Ruk 3:3-10

³Jon me yoi Jodan birorot visigambenwa undag aig, opata me nonemagowa biroriyag babataito atan oya, wag dirumivi.

⁴Propeta Aisaya gae meuma bukaeba danave aib tene: “At inguiwa arawa danave apan da noiwa auwaivi, ‘Ayapan oya ebu waribiya, ebu siwavit menan waribiya.

⁵At togewa undag umpe, tui ge oiewa baraupe pawawa ape. Ebu gegerainewa wasiwampe siwavit ape, sira ebu aig ge dauwanewa moiyuppe.

⁶Iyayapan undag mu God waita meuma yaupe.’”

⁷Iyayapan mu Jon gumbe babataito atan oya uwag agoniyaya. Jon wag dirumne, “Ye mokare kukaeba usitainawa! Bira wat diruine ye oma ane God danapiri meuma oniviwa me aninin gaveamon?

⁸Nonemagewa biroriyag natawa oraivit inamigimiya. Ye den amatog yenan waya. ‘Nu mamunwa me Ebraam.’ Kuiyawa ne ye diruitna, God oma ane an mame tobiyape Ebraam usitainaven ape.

⁹Gwit yoma taiwa apa wait baraune wakene, sira yoma desirom desirom me natawa oraivit den impewa me kwatpe aikpe, me iyam danave aorepe.”

¹⁰Iyayapan agoniyayawa singui waya, “Nu aninin aton?”