Luka 3:3-10

³Yaya wulira wo rɔ, ka wa kawandili kɛ Juridɛn ba fan dɔ. A ka a fɔ mɔɔilu yɛ ko alu ye sun ji rɔ tubi kanma, sa Alla ri yafa ie julumun dɔ.

⁴Wo kɛra iko Nabi Esayi ka a sɛbɛ ɲa mɛn ma ko: «Mɔɔ do ri na a kan nabɔ wula kɔndɔ ka a fɔ mɔɔilu yɛ ko alu ye sila ba rabɛn Maari yɛ, ka ban ka sila denni bɛɛ latelen a yɛ.

⁵Dinban kɔndɔla bɛɛ ye lafa. Koyinkɛ ni tindi bɛɛ ye rakanya. Sila rakundunilu ye latelen. Sila juu ye rabɛn ka nunku.

⁶Wo wa kɛ, adamadenilu bɛɛ ri Alla la kisi ko yen.»

⁷Jama tɛrɛ ye nala Yaya ma sun ji rɔ kanma. A ka a fɔ doilu yɛ ko: «Aileilu fɔnfɔnni, yon ka Alla la kititɛɛ ɲafɔ ai yɛ?

⁸Ai ye kewali kɛ ikomin jiri den mɛn da yiraka ko ai tubini. Ai kana a fɔ ai jɛrɛ yɛ ko ‹Iburahima ye an fa le ri.› Baa n ye fɔla ai yɛ ko Alla ri se kaba ɲin kɛla Iburahima denilu di.

⁹Sisen, tɛɛran da wuli jiri lulu tɛɛ kanma. Jiri mɛnilu tɛ den ɲuma kɛla, woilu ri tɛɛ ka lafili ta rɔ.»

¹⁰Mɔɔilu ka Yaya maɲininka ko: «An ye nfen de kɛ wo rɔ?»