Lukas 3:3-10

³Lakea e Ioanes i laho lae na maka tanga tabukoi na naru e Iordan, i vara e huriki ri gi pulo a vilone ria, ni gi vahilolo, lakea a Vure ge puga vuroki a vilo hale ne ria.

⁴Hosi, e Isaia a propet i vakalongo muga ne Ioanes, i here maea: “A lohona viri i gale dagi na tabeke i ngeki i ta maea, ‘Mu pelekadoa a dala ne Bakovi Dagi. Mu pelekadoa a dala ge laho vona ge kiripiripi.

⁵Mu kelitagu a maka maloku. Mu keli tarida a maka lolo, a maka kupona. Mu kado a maka dala marogorogo, ri gi kiripiripi. Mu kavitagu a hini i golugolu, ge bila.

⁶Muri e huriki lobo bara ri masia a naro a Vure ge korimule hita vona.’”

⁷I kupo e huriki ri valai ge vahilolo ria e Ioanes, lakea i taki ria, “Mua a tuna mata! E rei i taki mua mu gu ha vona a rongova ne Bakovi Dagi?

⁸Naha ni luhoi mua, ge mua a hamone Abraham, mu gu malamala pali. Naha ni luhoi mavonga, a vuhuna a Vure i kara ni pulo a kedo nga, ge ria e huriki a hamone Abraham. I vai a kanena narone mua? Mu rata taro a naro kamumu ge vakasiri mua mu pulo muholi a vilone mua.

⁹A kira i tabuli tabukoi pali na vuhuna kai. A kai i uka kanena kamumu, bara ni tolo puru, ni rungani.”

¹⁰Lakea e huriki ri nanea, “Mi gi pulo navai a vilone mia?”