3Yene Yohana ngajenda paali poa pulupakine lukemba Yolidani, ngabatangachi, kulenga, “Nnapange mabaja ginu nu kubatichigwa, Nnoongo mannekekea mabaja ginu.”
4Andi apiandikwe mukitabu cha Isaya ojwakiba nnondoli jwa Nnoongo “Mundu achobe papongoti ‘Mapanganakie Angwana ndela jabe, mmeke kipola mubapakupeta.
5Kila mabomba nhwelekeange, kila kitombi ni litombi ipakubomoligwa. Apapendite mapagololange ndela ejipendite mmeke kipola.
6Na bandu boa mabubona ukomboi gwa Nnoongo!’ ”
7Bandu ajingi ngabaikanga kwa Yohana kupala babatichigwe. Yohana ngabalengela, “Mangweto machamajoka! Beneke abannengi nhwotwi kujepa lilaka lya Nnoongo eliika?
8Ntendange agalaya kutenda nnapangite mabaja. Makaachangaje kulenga nhwotwile kujepa lilaka kukuneme, Awabito ana Ulaimu, nannenge Nnoongo aotwi kagatenda mabwe aga gabe ingota yu Ulaimu.
9Libago libekigwe pamanhina ga mikongo, kila nkongo gwangapambika ubakupenguligwa nu kuleke pamwoto.”
10Bandu ngabankonya, “Lele tutenda bole?”
Luka 3
Luka 3:3-10