Lukasi 3:3-10

³Ainanaya Yohanesi da to kataifoi sentenang rurang waya Yardeni, tutu wiuwu kaiwofo deyo, “Metarabera mea weru mene sasariwa, mewebaptisi, ambori Allai feriri mene sasariwa.”

⁴Nana mani wetarai kariri kaiwo nabi Yesayai soi fo, dotu tonina: “Inontarai manei sahu pampang na katai wekamamiei minano foi deyo, ‘Memainenang rang beng feai we Sempaisi, tuti menaria mimoya wei.

⁵Weenangwa tautawanaia mai, uai tuti wiwoi naria maikaburu. Rang takahapa naria mimoya, rang sanggangging araraya kasisau.

⁶Kaiwasa nunei sentenang ambori ewati Seng Allai feriri inontarainesa rai.’ ”

⁷Kaiwasa bitoya era we Yohanesi ma weo webaptisisa. Yohanesi medu wesa deyo, “E, inontarai mewarami aipaya di mea, mene tarai toyari tawai memuna, dohona menemitituai we mera ma iwebaptisi mea terai tonanai ambori mekaharai weru Seng Allai ne aiboi katu ma da ma fo fe?

⁸Mae toyari aio webong beng, mea kontai meteinawiai na metohong toa wa we metarabera mea weru mene sasariwa ampa. Dohonao meteyo mea mani mene wereng di Abrahami ampafe ambori mekaharai weru Allai ne aiboifo fe. Mearomioai we Seng Allai mani mawa arora we I we niari riria Abrahami na kamamieinei kontai.

⁹Tamangfoi meinenang na ai newafoi we robani. Ampafe ai bodoni dino webong kaha mani, robani tuti kabioi to adia rorong fo.”

¹⁰Ampafe kaiwasafoi etutang bera Yohanesi eteyo, “Tonana mani amenari todoni?”