Luk 3:3-10

³Binabu ila haxa mauli maluxuʼm titi longgalo duwa Langga Yodan singia. Baxanga baxanga na lipudi bu duxugia hatumingadingdi, saing daxap langa bu hatanga ba, saing Urana bagula yunga kuboluding diandi.

⁴Yon lipua naga Urana lipuxing suxunguxunguama Aisaya bung waleu sibuna mana bila li: “Waxutu tela wagi mua long xoliania ba, ‘Axauxau daxangua mana Toxoratamona, atongtongia daxanga maringindi mana.

⁵Goma longgalo bagula dibaxagi mahaing, bimbi xaung xaxagang longgalo bagula diri hawa. Daxangadi doga bagula disok maringina, daxangadi xurungxurungiding bagula disok gomading.

⁶Baing lipu titiam longgalo bagula dibagu Urana xap kira muli baru.’ ”

⁷Buranga dima rangua Yon bu daxap langa rangua. Harua nadi ba, “Ang bila moxa diang garandi! Gaxarea balang ba aluki mala, agiti Urana ating salianoa ma yu?

⁸Kuboluim aningondi duwa bi? Muga bing alibu kubolu xai bu hatanga ba axugia hatumingaimdi. Heku aharua nam bila li: ‘Kira mugangaroa Ebraham. Binabu Urana sanga ba hanggalangia kira te.’ Namua na ngabalang ba Urana sanga ba xugia sianggadi li mala disok Ebraham bakbagindi.

⁹Urana xauxau masup ba hanggalangiang nabu axugia kuboluim diandi te! Bila lipu tela ta galisia matabu xai namuya, bu tui mari saing ting mala yabia nabu aningon te.”

¹⁰Buranga dingia teladi duxusunga ba, “Laku, am garia baru bu Urana hanggalangiam te?”