ROMA 14:9-19

⁹Ina dainai Keriso e mase bona e mauri lou, mase taudia bona mauri taudia biagudia ai bainela totona.

¹⁰A oi, dahaka dainai varavaramu o hahemaoro heniamu? Dahaka dainai o dadaraiamu? Badina be ita iboudai Dirava ena hahemaoro gabuna vairanai baita gini.

¹¹Buka ai e torea heḡereḡerena eto, Lohiabada eto “Egu mauri dainai tui iboudiai lau vairagu ai bae hadai, bona mala iboudiai ese Dirava bae imodaia”.

¹²Taunabunai, ita iboudai ta ta ena kara ena kara Dirava vairanai baita hahedinarai.

¹³Taunabunai, basita hahemaoro heheni, a laloda ini baita hadai toma: varavarada ena dala ai hekwakwanai ḡauna eiava idoa basita atoa.

¹⁴Lohiabada Iesu ese vada e hamaorogu dainai lau na dibagu ḡau ta dikana basina gwauraia. A ta ese ḡau ta dikana baine gwauraia, una ḡau na dika ienai.

¹⁵Bena amu aniani ḡauna dainai varavaramu lalona e hekwakwanaimu, oi na uraheni dalana ai to rakamu. Keriso ese ia dainai e mase; oi ese amu aniani dainai basio hamasea.

¹⁶Oi ese namona o laloamu ḡauna dikana basie gwauraia.

¹⁷Badina be Dirava ena basileia na dia aniani ḡauna eiava inuinu ḡauna; a kara maoromaoro bona maino bona moale, Lauma Helaḡa bagunai.

¹⁸Badina be ini ḡau amo Keriso isiaina e lao henimu tauna na Dirava ese e lalo namo heniamu, bona taunimanima ese e hanamoamu.

¹⁹Benaini, maino daladia baita tahu, bona baita hahegoada heheni.