Orome 14:9-19

⁹Koraisa baa kumuo palipala lopo lete epeya. Doko kumunginyape lete karengenape dolapona Kamongo ingyuo karalana lopo epeya.

¹⁰Yulu dopale silyamo dokona akipamo embame yangone kando kooŋo lao karese? Dee dokonako akipamo yangone kando giyalya giyana pyuo karese? Namwa peparae Anatunya lenge kambu dokona kararamano dokopa baame kote lara ingilyamo.

¹¹Anatunya pii poo pyasi dokona letamo. Nambana pii kinyi lao karo dokona wambu peparae epo wapambu pii pyaro pisirami ingilyamo. Dee wambu peparaeme namba Anatuŋu lao panembena lao kararami ingilyamo lao Kamongo baame letamo.

¹²Namwa range wakale wakale apa pyuo kareyama lao Anatu keta lamairama ingilyamo.

¹³Dokona lao nakama yango sukusa mendali koo pingi pingi lao laa namanale. Embena yangone lukuma nana lao pirinyipa koona arapu dokona paa nana.

¹⁴Kamongo Yesupa role pyao karamano dokona bange dupwana mende karo pisa nalyamo lao soo gisilyu. Akali mendeme bange mende koo ingilyamo lao suu pyara ramo doko suu pingi doko banya suu pingi dokona iki palira ingilyamo.

¹⁵Embame narene dokome yangone randa mairi ramo doko mona retenge kata dokona reto karalu kara naresa pira. Embena nenge narene dokome akali dokona lao Koraisa kumakamiya doko isa pakami nana.

¹⁶Embame mende keyange lao suu pyare ramo bange dokona wambu lapome kandapala ketae nembo laa nana.

¹⁷Pii doko Anatunya isingi yulu doko nenge nao ipwa nao pirami dopale daa. Isingi yulu doko rolae pingi yulupi mona kyuu lao singipi rae maingi rengepe dusipa Imambu Poo Pyasimi jingi.

¹⁸Yulu dusipana minyuo Koraisana yulu pira ramo doko Anatumi baa epekando kararamopa akali dupwame baako ketae pyambwarami.

¹⁹Dokona lao mona kyuu lao sera kata dokona koto pimana. Dopa pyuo pipala akali yango dupwa porainyi pyambwamanale.