ROMA 12:7-17

⁷bema hesiai lao-heni, hesiai baita lao heni; hahediba tauna baine hahediba;

⁸haroro tauna baine haroro; ihenina tauna baine henia mai moalena ida; ireḡuna tauna baine hereḡu mai goadana ida; hebogahisi tauna baine hebogahisi mai lalo-namona ida.

⁹Emui uraheni baine momokani. Dika ba lalo nege; namo enai ba tao.

¹⁰Ta ta ba heura heheni, varavara na heheto; ba hemataurai heheni danu.

¹¹Ḡaukara lalonai basio lahedo. Lauma na lalomui ai baine hururu. Lohiabada isiaina ba lao heni.

¹²Helaro ai ba moale. Dika negadia ai ba haheauka. Guriḡuri ba goadalaia nega idoidiai.

¹³Helaḡa taudia edia dabu ai ba kahadia. Heabi-dae karadia ba kara.

¹⁴E daḡedaḡe henimuimu taudia ba hanamodia; basio uduguiraidia.

¹⁵E moalemu taudia ida ba moale; e taitaimu taudia ida ba tai.

¹⁶Iboumui ai lalomui bae tamona. Herea ḡaudia basio lalodia, a manau taudia ida ba noho hebou. Sibomui emui aonega basio heaḡilaia.

¹⁷Tau ta basio kara dika henia, iena dika davana; a taunimanima iboudiai vairadiai kara namo mo ba kara.