ROMUDEENƆ 12:7-17 - Luda yã takada kↄ̃n Bokobaru yão

⁷Tó zĩ̀rikɛɛmɛ, ǹ kɛ. Tó yãdannɛnamɛ, ǹ dańnɛ.

⁸Tó lɛ́dammanamɛ, ǹ daḿma. Tó gbadanamɛ, ǹ da aaga. Tó dↄn'aɛdekɛɛmɛ, ǹ kɛ kↄ̃n aĩao. Tó wɛ̃ndadↄ̃nnɛnamɛ, ǹ dↄ̃ńnɛ kↄ̃n pↄnnaao.

⁹À kↄ̃ sìo yenzi gↄ̃ mↄnafiki sai. À kpɛɛ li à zaaanɛ, à zɛ kↄ̃n à maaao.

¹⁰Àgↄ̃ nna kↄ̃o kↄ̃ gbɛ̃nↄ ũ. Àgↄ̃ wãa kↄ̃n bɛ̀ɛlikↄ̃nɛnao.

¹¹Àgↄ̃ aĩa vĩ mɛa sai, a mɛ̀ gↄ̃ wãa Dii zĩi guu.

¹²À pↄnnaa kɛ yã kɛ̀ a wɛ́ɛ dↄzi yã musu. À mɛna fↄ̃ nawɛ̃akɛna guu. À mɛ̀ kpá aduakɛnaa.

¹³À dↄnlɛ kɛ Luda gbɛ̃ kɛ̀ pↄ́ e kɛ̃sãaḿmanↄnɛ. Àgae nibↄ kɛ.

¹⁴À sa maaa o a wɛ́ɛtãmmarinↄnɛ. À sa maaa ońnɛ, àton ń káro.

¹⁵À pↄnnaa kɛ kↄ̃n pↄnnakɛrinↄ. À ↄ́ↄ dↄ kↄ̃n ↄ́ↄdↄrinↄ.

¹⁶Àgↄ̃ kú kↄ̃o nna. Àton a zĩnda sɛ́ lezĩro. À gbɛ̃nna kpá kↄ̃n takaasideenↄ. Àton a zĩnda diɛ yãdↄ̃rinↄ ũro.

¹⁷Àton yã zaaa fĩa bo kↄ̃n à zaaaoro. Àgae yã kɛ̀ maa baade pínginɛ kɛ.