Valoma 12:7-17

⁷Muna fupu ya undumi agoli undumi. Na muna fupu ya kuwula awuli.

⁸Muna ngimbaniku ya fupu ya kuvakola mawoku vayaki agoli nahawu. Muna kumupa monga chavelili nachu agoli nahawu kwa usangi. Muwolukela awolukeli kwa nguvilishu na yula muna kugola chilongu cha lusungu agoli kwa cheleli.

⁹Utami wenu wuvi ngajila ufyangu wowonda. Muchinyekwi chindu chochosi cha wafu, mukoli fya nyanyi.

¹⁰Mwitami mwaveni kwa mwaveni na kila mundu amwiholi tanila muyaki kwa ndundamilu.

¹¹Mukotoo kuhogoya, mugoli chichuku kwa nguvilishu na muvi na ndima ya kumukimbanikila Bambu.

¹²Musekileli kwanongwa muna shuvililu, muvi vakuyiwunishila mumisayisayi yenu na kudadava majuva vosi.

¹³Muvatangi vandu va Chapanga kwa fila fivadayila. Muvayangi vahenja kwa usangi.

¹⁴Muvanemeli vosi yivavasulumu yumwi, muvaluvili usangi na mukotoo kuvalapila.

¹⁵Musekileli pamu na yivavelili na seku, mulili pamu na yivalila.

¹⁶Mwikali kwa kujova yumwi kwa yumwi, mukotoo kufitama fikomi, ila muyikuvilishi na fidokwa. Mukotoo kwihola kucha muna luhunja munu.

¹⁷Mukotoo kugola lugotu kwa findu fya wafu kwa findu fya wafu. Mukamuli filongu fya nyanyi kwa vandu vosi.