Psalms 63:1-10

¹(David naguram ale Judea ningi sor garagarayam mu te yumuram baga se den imi batogam) O Kaem, ni aninga Kaem, ani ni kerak pempem bagarikko kua lagasam; ani yu ko kuakoyam, ni ko ko adogotak garagara maso; ani ni kiwim ko angimik sokel menaram, se sor merang garagarayam bo yu mena wore turan bagasam.

²Ani ni nikim sokel ago ka kiwim laili te bagasam mu, amotam te karki kam ko ikia to lagasam.

³Nika gemang bataga ani ago ko mu, ali imi ko nam giam suen la kia saparam, se ani mu ko nika nip patawurikko.

⁴Ani pempem agiting patawurik ale ka nip patawu se lagarikko.

⁵Se aninga angamang motam mu na ningo nokoyam kua kaparuk se wur amilmil ilu se nip patawu se lagarikko.

⁶Aninga anira kuwim te taga anisam mu ani ni ko ko angamin tugu lagasam; tirom luan maiya ani ni ko ko me angamili saposo.

⁷Mu awuk, ni tom suen biya aninga sangorsam; ani nika luman bowa ningi baga se wur ilusam.

⁸Ani ni kerak kapetasam, se ni yawarakala aga bitarsam.

⁹Kari aninga momon se kuerikko nongomang aniso mu memek tamon ale kuera mutim ningi kapamonko.

¹⁰Nuna kager ningi kuemon se nunga nungumik guang mu kausik diwang namonko.