Salmos 63:1-10

¹David Judá-nega-dulesulidganba-gudigusgu, we-namaked narmaksad. ¡Bab-Dummad, be an-Bab-Dummadid! ¡Bolegoedba an be-amioed! An uku-uku-itogeyob an bebina soged, an-sana bela bebina soged. Ar igi dule nega-dulesulidganba dii-satedgi dii-amididae, deyobi, an be-amied.

²Bab-Dummad, an be-gangued-yeerdakleged-dakega, bese-goled-neggi an be-dakbied.

³Dula-gudiguedba be-sabgued bur-nuedid. A-ulale, an bega namakoed.

⁴Dula-gudiidgi an be-nug odummodii guoed. An be-nug-odummogega an-argan an onakoed.

⁵Mas-nued-immerba-guchayobi an yeer-itogoed. An yeer-itogedgi bega namakoed.

⁶An megidele, an begi binsamaidaed, bela mutikidbali, an begi binsamaidaed.

⁷Ar be an-bendaksad, deyobi, be-an-bendaksadgi an yeer-itoged.

⁸Andi begi alakwaa naid, ar be-gargangued an-bendaked.

⁹Ar dule-an-oburgwebimaladdi bergumaloed, nega-urbali argwanmaloed.

¹⁰Es-suidgi oburgwilemaloed, achu-sapur-masga gumaloed.