Mitiyegec 63:1-10

¹Dawidingo Yuda bangec kisiu sufuma kecma mitiyegec yofi heiec. O Anutu, neac Anutuna, ni ge hofocgukecduae, imoc bangec gbangge gbanggeango dokuac ammiande, ni geac ifi isoc anende.

²Ni kuc nga eweheiheiga hembadeac kicna aratagau fima genai.

³Geng yoac dedzege amma imoc modackecnec, fakaga imocngo kekec ferahadeac amma dengeregubade.

⁴Ifi anu ni kecbadesoc kenecgubade amma geac kpacfu numuma marina miacba enu.

⁵Geng ubaongana yakaac kuc nga kerehagoc megume ammina wakeu enacbibicnango sogac sogaiac yegec heiu enacnango ge dengereguude.

⁶Ni kecnegeng naso amma tofocnacsoc fefenau fema ge negensiguma geac negensikecma feanduae.

⁷Gennoc neac memeficngic, imocac geac kpegangga bageu sogaima kecma yegec heigembade.

⁸Ubaongana gearu kpeketaheu marifoigango nanggenunade.

⁹Ngicngac kekecna kpetotiebeso andae, yeni ine homec amau kemegecde.

¹⁰Yeni dzikacfu kenggec beangngo feracyunuma kpebucyunuu katekasi yeneng sebingina negecde.