Text copied!
CopyCompare
Bibeli Gusunɔn Gari - Womusu - Womusu 63

Womusu 63:1-10

Help us?
Click on verse(s) to share them!
1Dɑfidin womu. U ɡu kuɑwɑ sɑnɑm mɛ u wɑ̃ɑ Yudɑn ɡbɑburɔ. Ge wee.
2Gusunɔ, ɑ sɑ̃ɑwɑ nɛn Yinni. Wunɑ nɑ soku. Nɑ wunɛn bɛkɛ bɑrɔ. Mɑ nɛn wɑsi kpuro bɛsikirɑmɔ wunɛn sɑrirun sɔ̃ nɡe mɛ tem ɡbebum mu rɑ n bɛsikirɑmɔ nim sɑrirun sɔ̃.
3Wee nɑ wɑ̃ɑ wunɛn sɑ̃ɑ yerɔ nɑ nun mɛɛrɑ, kpɑ n kɑ wunɛn dɑm kɑ wunɛn yiiko wɑ.
4Domi wunɛn tɔn ɡeeru tɑ ɡisɔn wɑ̃ɑru kere. Yen sɔ̃nɑ kon nun tɔmɑ kɑ womusu.
5Kon nun siɑrɑ nɛn wɑ̃ɑru kpuro sɔɔ, kpɑ n nɔmɑ suɑ wɔllɔ n kɑ nun sɑ̃.
6Nɛn hunde koo debu nɡe wi u dĩɑ duronu kɑ yɑɑ ɡumɡiɑ di. Kon nun siɑrɑ kɑ nuku dobun kuuki.
7Nɑ̀ n kpĩ, nɑ rɑ n nun yɑɑyewɑ nɑ n wunɛn bwisikunu mɔ̀ wɔ̃kuru.
8Domi ɑ sɑ̃ɑwɑ nɛn somiɔ. Nɑ̀ n kukuɑ wunɛn kɑsenun kɔkɔrɔ, nɑ rɑ n nuku dobu mɔ.
9Nɑ kɑ nun mɑninɛwɑ dim dim, mɑ wunɛn nɔm ɡeu ɡɑ mɑn nɛni.
10Be bɑ kɑsu bu mɑn ɡo bɑ koo dɑwɑ sere tem sɔɔ sɔɔwɔ.

Read Womusu 63Womusu 63
Compare Womusu 63:1-10Womusu 63:1-10