Psalms 149:2-9

²Israel kariimet, Yawe ko amilmilaralko, nu ninga nungam; Zion kariimet, ninga King ko amilmilaralko.

³Bawe moa se, gita ela se, iru seseka se nup patawuralko!

⁴Mu awuk, Yawe nina noko kariimet ninga ninguru amilmiloso; nu nina ninimi karogo kapaman se nu ninga sangaru tam.

⁵Nu nenenga ninip biya mu bala iwita nisipiling tugumam se ninguru amilmilaralko; ale tirom anira tom te karogo la amilmil wur ilu se lagaralko!

⁶Kaem nup biya tuata mu nina nigiring te aniruk se, batir kore wuli kapawara mu nigiting te iluwal,

⁷ale te sor saki ko kariimet memek mu nunga memek koma nunga maguwuralko;

⁸ale nunga king se nunga kari bibiya mayang aora te nunga taliparal,

⁹ale Kaem ikup aguwaya nunga memek koma balam mu te nunga beteralko. Kaem ko gomang motam noko kariimet nunga mu uwutata. Aleluya! Yawe nup patawuralko!