Psalms 149:2-9

²Israel, nge felan’um, ni bochan e En ni Sunumiyem; girdi’ nu Zion, nge felfelan’med ni bochan e pilung romed!

³Mu churu’gad ni gimed be pining e sorok nga fithingan; mi gimed chubeg e drum nge harp ni gimed be pining e sorok ngak.

⁴I SOMOL e ba felfelan’ ngak e girdi’ rok; ma tolangnag e pi’in nib sobutan’rad nma gel nagrad.

⁵Nge felfelan’ e girdi’ rok Got ko gel ni karted miyad tang u fithik’ e felfelan’ ni n’umngin e nep’.

⁶Ngar tolulgad ngalang ni yad be pining e sorok ngak Got, ni bay e saydon rorad u pa’rad nib m’uth

⁷ngar li’ed e pi nam miyad gechignag e girdi’;

⁸miyad michigiy e pi pilung rorad ko chen, nge pi’in yad ma yog e thin rorad ko chen ni wasey;

⁹ngan gechignag e pi nam ni bod nike yog Got. Irera’, e gel ni fen pi girdi’en Got. Ke sorok SOMOL!