Buk Song 149:2-9

²Yupela ol Israel, yupela i mas belgut long God i bin wokim yupela. Yupela ol manmeri bilong Saion, amamas long king bilong yupela.

³Singsing na litimapim nem bilong en. Paitim ol kundu na garamut na paitim ol gita bilong litimapim nem bilong en.

⁴Bikpela i laikim ol manmeri bilong en. Na em i save litimapim nem bilong ol man i save daunim ol yet, na mekim ol i winim pait.

⁵Ol manmeri bilong God i amamas long ol i win pinis. Na taim ol i bung bilong kaikai ol i ken mekim ol song bilong amamas.

⁶Ol i ken singaut na amamas long God na holim bainat i sap moa.

⁷Na ol i ken pait long ol arapela lain, na mekim save long ol na daunim ol.

⁸Na ol i ken pasim ol king na ol hetman bilong ol birua long sen ol i wokim long ain.

⁹Na ol i ken mekim save long ol dispela lain, olsem God i tok. Ol manmeri bilong God i ken win olsem tasol. Litimapim nem bilong Bikpela!