Salmos 149:2-9

²Israelcuna cushicur Tayta Diosta alabay. Gamcunataga Paymi camashurayqui. Sión runacuna cushicuy Tayta Dios rayniqui captin.

³Tayta Diostaga dansashpayqui alabay-llapa. Arpacunata panderëtacunata tucashpayqui imnucunata cantay-llapa.

⁴Tayta Diosga cushicunmi acrashan runacuna alabaptin. Umildicunatami yanapan allicho llojshinanpaj.

⁵Tayta Diosta sirbejcunaga allicho llojshir cushicuy. Jamarpaycashayquichöpis cushicuypita cantay.

⁶Llapan callpayquiwan Tayta Diosta alabay. Nircur ishcan-läpa afilasha sablita aptay.

⁷Chay sabliwanmi ayñita cutichinqui Tayta Diosta mana rispitajcunataga. Juc nasyuncunatapis magar castiganqui.

⁸Chaynöpami prësu chariycur fiyupa lasaj fyërru cadinacunawan watanqui raycunata, munayniyoj runacunata.

⁹Chayno ruraptiquimi paycunacho cumlenga imano cananpäpis isquirbiraycashan. Chayno rurashayquega fiyupa allimi canga Tayta Diosta sirbejcunapäga. ¡Aleluya! ¡Tayta Diosga alabasha cachun!