Psalms 148:2-14

²Nina ko engel alo duruk wonong te suen la mu nina ko nup patawuralko.

³Nina worem sige baras taiti awote nikim kapawasan, nina ko nup patawuralko; baras kaniwasan mu ko nup patawuralko.

⁴Yu biya kuali, se mel suen la taiti kuali aniso, mu noko nup patawuralko.

⁵Mel suen la imi mu nuna Yawe ko nup am patawumonko! Mu awuk, nu balam se nuna arataman.

⁶Nu balam se tala nunga kuwim kuwim te sokel ago bagasan; nu balam se nuna tom suen biya butata baga gilingisan.

⁷Ali imi te mel suen la Yawe nup patawumonko! Wal bibiya se mel suen la gagi du te anisan mu se,

⁸pure nikim se tuwik samamer, se taiti nuwi se, daula bibiya noko kuring karo tusan mu buta noko nup patawumonko!

⁹Se duruk motongar se duruk bibiya se, tam nunguning nasan mu se, giarum ningi ko tam,

¹⁰se buruk kausik tarak inangnang mel, wonong ko se giarum ningi ko se, makina gawitiru, mu suen la noko nup patawumonko!

¹¹Se nina king se, ali lilim la ko kariimet,

¹²se ali sor supuling se kari bibiya, se imet itiwik se kari kulak, se kariimet garuk se kuriang gotektek,

¹³mu nina suen la Yawe ko nup patawuralko! Nu kota suanta nup biya. Noko nikim, ko sokel, ko nup biya, mu ali se taiti kia saparam.

¹⁴Noko kariimet Israel mu noko gomang motam, se nu sokel nungaram se ko nup patawusan. Se Yawe ko nup patawunakko! Aleluya!