Salmos 148:2-14

²Bela Bab-Jehová-baliwiturmar, Bab-Jehová-nug odummomar. Bela Bab-Jehová-sorda-bilagi-urwemalad, Bab-Jehová-nug odummomar.

³Dad-ibeler, Bab-Jehová-nug odummosun. Nii, Bab-Jehová-nug odummosun. Niisgwamar, Bab-Jehová-nug odummomar.

⁴Bela mogirmar-ugakaase-nanaid, Bab-Jehová-nug odummomar. Diimar-mogirmar-niba-nanaid, Bab-Jehová-nug odummomar.

⁵Bab-Jehová-nug odummomarsun, ar e-ibmar-sogsadba, ibmarmar obinnilesad.

⁶Degisadegu ibmarmar innikii urbilesad. E-igar-omesisadi, bar egi annalegegarsulid.

⁷Napneg-akale, Bab-Jehová-nug odummomar: Demargi ibdula-dummagan-bukwad, Bab-Jehová-nug odummomar. Demar-wilagana, Bab-Jehová-nug odummomar.

⁸Mala-ibyemalad, dii-gwamakarmalad, Bab-Jehová-nug odummomar. Boo-gwamakaled, boo-batemalad, Bab-Jehová-nug odummomar. Burwa-dummagan-be-sogedba-ibmar-imakedi, Bab-Jehová-nug odummomar.

⁹Yalamar, bela yala-mullugan, Bab-Jehová-nug odummomar. Sapi-san-nikamalad, bela urwarmar, Bab-Jehová-nug odummomar.

¹⁰Ibmar-dula-sapurbarmalad, ibmar-durgan-negginmalad, Bab-Jehová-nug odummomar. Ibdula-unimalad, nuumar, Bab-Jehová-nug odummomar.

¹¹Reymar-napneggi-mamaid, Bab-Jehová-nug odummomar. Bela dulemar-yar-baid-baidgi-bukmalad, Bab-Jehová-nug odummomar. Dule-nuga-nikamalad, dule-dummagan-yar-semamaid, Bab-Jehová-nug odummomar.

¹²Sapingana, yagana, Bab-Jehová-nug odummomar. Dadormar, mimmigan, Bab-Jehová-nug odummomar.

¹³Bab-Jehová-nug odummomar, ar a-nugbi unnila dummarba gued. E-gandik-yeerdakleged, napnegba, nibnegba, bur-gandik dakleged.

¹⁴Bab-Jehová, e-neggweburga gangued uksad. Israel-wagan-bela-Bab-Jehováʼba-nanadimalad, e-dulamar-walikagwadga-gubalid, Bab-Jehová-nug odummomar. ¡Aleluya! ¡Bab-Jehová-nug odummolesun!