Samu 148:2-14

²Banya aŋala dupwamepe dee aŋala peparae pyaso karaminyi dupwamepe baa lakandalapape.

³Neta kanapeme baa lakandalapape. Dee bui lepo pyuo rao karenge dupwame baa lakandena.

⁴Yake kamame ketae dorenape dee ipwa yake dulurena ketaerena silyamo dokomepe baa lakandena.

⁵Kamongome dopa pyuo pulyinya lao wasiyamo dupwa peparaeme Kamongona kingi dokona lakando karena.

⁶Baame suu pyao wasapala rangena panda wakale wakale dokonako kararami lao maiyamo dokona kamba lao panda kareyamo dokona yaki nyii narami ingyaro karamo.

⁷Isa yuu dakena range dupwame Kamongo lakandalapape. Ipwa kotana lenge renge bange andake silyamo dupwamepe kota pete kyuwa dupwamepe Kamongo baalakandalapape.

⁸Yuu pelepe randake kapape ipwa ase dokope kopape porambaiye porai dupwamepe nakama pii laramuli pyuo pingi dupwame baa lakandalapape.

⁹Yuu kyau kuki andakepe isa jingi nengelyingi isa dupwape imwa isape nakamame Kamongo lakandalapape.

¹⁰Anda suwa menape suwa mena rae lengepe kimbu kara nange rombame kata papingi kaupi yakape nakamame Kamongo lakandalapape.

¹¹Kiŋipi mee wambupi kiŋinya ikinyingipi yuu isingi akali dupwamepe baa lakandalapape.

¹²Mapwae parangepe dee andapae wane nyaŋape nakama opetae lakandalapape.

¹³Nakama peparaeme Kamongona kingi doko lakandena. Banya kingi doko andake wakasa ingilyamo dokona menge dupwa pipya manda manja nalyamo. Banya neta renge yulu dokome yake yuupi andake ingyuo silyamo dolapo nyuo isa palyuo silyamo.

¹⁴Baame banya Isaraele wambu mona wakasa retenge dupwame baa lakando kararami lao porainyi pyambuya. Kamongo baa lakandamanale.