Pesalem 148:2-14

²Ênê aŋela samob, alanem eŋ. Ênê lau totoŋ-totoŋ samob, alanem eŋ.

³Oc to ajôŋ, alanem eŋ. Amac utitalata samob, alanem eŋ.

⁴Amac undambê to undambê, alanem eŋ. Amac bu, taŋ apoac umboŋ ŋaô naŋ, alanem eŋ.

⁵Gêŋ samob tonaŋ ŋai, alanem Apômtaunê ŋaêmaŋ gebe eŋ kêjatu, tec gêŋ tau ŋanô kêsa.

⁶Gebe eŋ ketoc gêŋ tonaŋ ŋai kêkô gebe êkô endeŋ tôŋgeŋ ma kêkêŋ ŋagôliŋ, taŋ sêŋgêli atom naŋ, gêdêŋ êsêac.

⁷Amac gêŋ nomŋa, amac gêŋsêga gwêcŋa to gwêc ŋagêdimlabuŋa samob naŋ, alanem Apômtau.

⁸Aôm ja to kompoc, aôm sno to ômbiŋ, aôm mutêna, taŋ gôgôm ênê biŋ kêtu tôŋ naŋ, amboac tonaŋgeŋ.

⁹Amac lôc to gamêŋ ŋabau samob, amac gêŋkaiŋ to nip walaŋ samob,

¹⁰amac bôc saleŋŋa ma malacŋa samob, amac gêŋ kêkêŋŋa ma moc tomagê, alanem Apômtau.

¹¹Amac kiŋ aŋga nom to tenteŋlatu samob, amac kasêga to gôliŋwaga nomŋa samob,

¹²amac ŋacsêŋom to awêtakiŋ, amac lau ŋanô to ŋapalê, alanem Apômtau.

¹³Lau samob tonaŋ ŋai sêlanem Apômtaunê ŋaêmaŋ gebe ênê ŋaê tageŋ tec ŋaê towae. Ênê ŋawasi kêlêlêc undambê to nomgeŋ.

¹⁴Eŋ kêkêŋ ŋaclai gêdêŋ nê lau gebe ênê lau mansaŋ samob sêlanem eŋ sêwiŋ lau Israel, taŋ têtu ênê gêŋ naŋ. Aleluja.