Salamo 148:2-14

²Aneru gamagarimiu ia au hedebasaei, ana tauiala tataomiu gamagarimiu, galewa tehana eai, ia au hedebasaei!

³Mahana eo nawarai e, ia au hedebasaei, ipora namanamarimiu e, ia au hedebasaei!

⁴Galewa ewapuripurina eai, ia au hedebasaei, eo goila hinage galewa ewana eai!

⁵GUIAU esana taba isi se hedebasaei, paana ia ie riba arinai ede isi wa se tubu.

⁶Ia i hetorodi i lau e, nige nosina, adi sigasiga laugagaeona ie tore, taba nige se dioi.

⁷Tanoubu eai GUIAU au hedebasaei: omi gabogabo taumia nabunabutuadi, eo gabotum gamagarina hinage,

⁸oeagi alaalasi, nabu tupitupina, snow eo madagau, mana lailai woworina ia ena riba se hemamohoiei!

⁹Oea tupidi lailaidi eo gagiridi, oeagi uauadi, maruai oeagidi gamagaridi,

¹⁰nuura saraidi eo bulumakau gamagaridi, ginauri se daladalausi eo manu loiloiusidi!

¹¹Tanoubu wasawasadi eo tatao gamagaridi, eanua guiaudi eo tanoubu tauheduhedudurai gamagaridi!

¹²Hewari eo hasara gamagaridi maediyao, tautaubada eo merumeru!

¹³Isi GUIAU esana bena se hedebasaei, paana iabom esana i sae ariri; ia ana tepo lolona tanoubu eo galewa i saetawatawaidi.

¹⁴Ia ena boda tataodi edi dona i lauisini, ena taumiatahitahi tataodi gamagaridi edi aba‐hedebasaena, Isaraela bodana isi ede ia gegesina eai wa. GUIAU au hedebasaei!