1Hiche phat laihin, Levi insungakon’in pasal khat’in Levi insung numei a ki chenpi’n ahi.
2Numeinu chu agaijin chapa khat ahing’e, achapa chu aven ahilelunglhai umtah ahin, achapa chulhathum sung’in asel tan ahi.
3Amanun jong achapa chu aseljoulou phat in, sinkhup Pyparusnanga kisa khat agalan twilut nalou ding’in avonglai jouse ahubitsohkeije. Chuin sinkhup sung’anaocha chu akhum’in Nile vadungpang phaipheng lah achun alha lut tai.
4Naocha nu jong gamlha thimakon’in ading’in naosen pasal chuiatidem tin agalvet’in ahi.
5Chu jouvin Pharoah chanuvadung’a kisil ding in ahung suhtan, asot tolle hojong vadung achunavah le uvin ahi. Chuin lengpachanun phaipheng phung lah’asinkhup chu ahin mudoh tan ahile, aman jong asoh ho henga hichesinkhup khu nei galah peh’un tinasol tauvin ahi.
6Lengpa chanun jong sinkhup chuahongdoh in, avet leh naocha chuamupaiye. Chu in naocha pasalchu a kap’in, amanun jong nao chulungsetna neijin ahebol lheh in, “Hiche hi Hebrew mite cha hiteiding ahi,” ati.
7Hichun naosen sopinu jong Lengpa chanu heng ahung lhungpaijin. Hiti hin aseije, “Keima Hebrew mite henga kaga che anaosen don ding khat kagapui pehding ham?” tin adong’e
8Lengpa chanu’n jong a donbut in, “Henge, ka nome!” chen lang gapuijin ati. Numeinu jong ache’n naosenhingnu mama chu aga puiye.
9Chuin lengpa chanu’n jong naosen hingnu jah’a aseijin, “Naosen hilanlang neidon peh’in.” “Keimanna don man ka peh ding nahi,” ati. Chuin numeinu’n jong naosen chua inlam’a adom’in amapa chu adontan ahi.
10Khonung in, cha-pang pa jongakhang len tan ahile, anu’n amapachu lengpa chanu henga ahungthah tan, amapa chu lengpa chanuchapa in ahung pang tai. Lengpa chanu’n jong amin Mose asah tan, a manun jong asei in, ajeh chu keiman amapa hi twi lah’a kon ka loidoh ahi,” ati. Median Gam’a Mose Ajamlut
11Kum phabep ache nung in, Mosejong ahung khang lentan, amapajong asopiho vil din ache toutan, aman jong asopi Hebrew mitehunam’a a kitohsah nau amit tah’inaga mudoh tai. Hiche pat tah chun, Egypt mikhat in asopi Hebrewmikhat chunga akhut alha chu amupaijin ahi.
12Chu in aman jong ajet avei avenkoima aumlou phat in, Egypt mipachu athat in neldi lah a avuitan ahi.
13Ajing nikho’in, asopi ho vildin Mose akaltou kit tan ahile, asopi Hebrew mini akinah lhon aga tohkha tai. Kinah hin pan’a athemmopa henga Mose’n thudoh aneijin, “Ipi jeh a na sopipa chunga khut nalhah ham?” tin thudoh anei paije.
14Kinah hinpan’a athemmo panjong Mose adonbut in, “Koihamnangma keiho chunga leng’a napansah le thutan ding’a thaneinanape? Janni’a Egypt mipa natha banga chu keima jong tha ding neigot ham?” tin aseijin ahileh, Mose jong lungkham pum in “Kathil bol pihi mihon ahet gam’a ahidem tin angai ton ahi.”
15Mose thilbol chu Pharoahlengpan jong ahin hedoh tahbehtan ahile, aman jong Mose tha dinahol le tai. Chuphat in Mose jong Pharoah angsung’a kon in Mediangamsung’a ajamlut in, Mediangamsung alhun’in Mose jong twikulpang khat’a atouvin akichol’in ahi.
16Median lengpa chun nungahsagi jen aneijin amaho chengse chuapao kelngoi te twi chipsah dingthal in ahung un ahi.
17Ahinlah kelngoi ching midangphabep ahung uvin amaho chuanodoh gam tauvin. Chuin Mosejong achomdoh jeng’in kelngoiching dang hoa kon chun ahuhdohuvin, amaho kelngoite ding twi chuathal peh’in ahi.
18Nungah ho chu apao Reul hengale lhun phat uvin, apauvin jongadong un, “Ipi jeh’a tuni nahungkimale uham?” ati’in ahile,
19amahon jong apau adonbut uvin, “Egypt mi khat in kelngoi chingmidang hoa kon in eihuh doh uvin, amapa chun keiho ding le kelngoihon ho ding Twi eithal peh jeh’uahi, atiuve.
20Chu in apa uvin adonbut un, “Amapa hoija um’a hitam?” ati. Chu in ipi ding’a amapa chu nahindalhah jeng uham?” Che uvin langgapui jun ankong isokhom diu ahi, ati.
21Mose’n jong Median lengpanakouna chu asanpeh in, lengpa toh chun phat chomkhat acheng khom tan ahi. Hiche phat lai chun, Reuel’in achanu Zipporah chu Mose ji ding in ape tan ahi.
22Phatchom khat jouvin, amanu’n chapa khat ahing in, Mose’n achapa chu Gershon asah tai “Ajeh chu keima hi gamchom beh’a khosa ka hi,” tina ahi.
23Kum phabep ache nung in, Egypt lengpa athitan. Hinlah Israelte chu soh kihen ohna noiya khosa’a natong jing nalai ahiuve. Panpi ngaiyin akap un, aka awgin’nu chu Pathen angsung alhung tan ahi.
24Aka awgin u Pathen in ajah phat’in, Abraham, Isaac leh Jacob heng’a akitepna ahin geldoh tan ahi.
25Hichun Aman Israelte chu avesuh in ahile, aum chan jouse’u ahedoh’in tunvang panpi ngaicha mong ahi tauve, ati. Mose Chule Hamboh Akon
