Text copied!
CopyCompare
PATHEN LEKHABU THENG - Potdohbu

Potdohbu 6

Help us?
Click on verse(s) to share them!
1Pakaiyin Mose henga hiti hinasei peh’e, “Tua hi keiman Pharoah chung’a ipi ka bol em namu ding ahiye. Aman ka ban thahat na ahin hetdoh ding, chu teng mipi che tauvin ahin tiding, chule aman athanei sun’a ahin soldoh ding’u ahiye.”
2Chule Pathen in Mose henga asei jin, “Keima Yaweh Pakai kahi.
3Abraham, Isaac Chule Jacob henga Elshadai Hatchung nung Pathen keima aheng uva ka kilah in ahi amavang kamin Yaweh, kahi ti amaho heng’a ka kiphong doh poi,” ati.
4Chule keiman amaho kholjin’a vah le a achen nauva konna Canaan gam, alhun theina diuva kakitepna chu kaphut det tan ahi.
5“Tahbeh mong’in Egypt mite akonna Israel mite soh achan’uva. athoh gimnau keiman ka hedoh tan, chule amaho toh ka kitepna jong kahe jing nai,” ati.
6“Hiche jeh chun, Israel mite henga seiyin: “Keima Pakai kahi. Egypt mite akonna nathoh gimnao kalha ong diu, chule soh na chan nauva kona kahuh doh ding na hiuve. Keiman nangho kaban thahat nakonna thutan’a chule lhatdamna nachan diu ahi, ati.
7Kamite nahi mong uve tia kakisan diu, “Ajeh chu keima nangho Pathen kahi’n Chuteng nanghon Egypt gamma konna chamlhat eichansah pau i-Pakai uleh Pathen chu amahi ahiye nati diu ahi.”
8“Keiman Abraham, Isaac leh Jacob heng’a kateppehna gam achuka hin puilut ding na hiuve. Hichegam pumpi chu nalo diu ahi. Ajehchu keima Pakai kahi, ati.”
9Pakaiyin athupeh bang’in Mose’njong Israel mite heng’a asei pehtauvin, ahinlahamahonangainahsah tapouvin ahi. Ajeh chuamaho soh achennauva chun akisugim val ta’uvin ahi.
10Chu in Pakaiyin Mose heng’a aseipeh kit in,
11“Egypt lengpa Pharaoh heng’ache kit tan, chule Israel mitenna gamsung dalha tauhen tin gaseijin,” ati.
12Mose alung opkai jin, “Ahinlah Pakai! Ka sopi hon ka thusei eingaipeh tapo’u vinte, Pharoah inka thu angai mong ding ham? Ajehchu keima kam mol kahi”, ati.
13Ahinlah Pakaiyin Mose leh Aaron heng’a Israelte ding leh Egypt lengpa Pharoah ding’inthupeh anei jin, “Pakaiyin Israelte Egypt akon puidoh ding’a Mose leh Aaron atundoh ahi,” tin asei tai.
14Hichengse hi apu apate’u khangchedola amaho insung upa ho ahiye: Israel insung’a apeng masapen Reuben chapate se chu: “Hanoch, Pallu, Hezron, chule Carmi. Amahochi lhahse hi Reuben insung kon ahiuve.”
15Simeonchapatesechu: “Jemuel, Jamin, Ohad, Jakin, Zoharleh Shaul ahiuve. (Shaul hingnuvangchu ahile, Canaan mi ahi), amaho chi lhahse hi Simeon insung kon ahiuve.”
16Levi chilhahte se vang amahoinsung dungjui ya amin uchu: “Levi chapate, Gershon, Kohathleh Merari”. (Levi chu kum ja lesomthum le sagi ana hing’e).
17Gershon chapa teni chu insungchedol’a akisim leh: Libni leh Shimei ahi lhonne.
18Kohath chilhah vang chu: “Amram, Izhar, Hebron leh Uzzielahiuve.” (Kohath chu kum ja lesomthum le thum ana hing e).

19Merari chilhahte chu: “Mahlileh Mushi ahi lhon’e.” Ama hochengse hi Levi insung chedol aamin cheh uchu ahiye.
20Amramchunapanaonu Jochebed chu jin aneiyin, amanunchapa ahin hochu, Aaron leh Moseahi lhon’e. (Amram chu kum jalesomthu le sagi ana hing e).
21Izhar chapate hochu Korah, Nepheg leh Zicri ahiuve.
22Uzziel chapate ho chu, Mishael, Elzaphan leh Sithri ahiuve.
23Aaron’in Elisheba aki chen pin, amachu Amminadab chanu chule Nahson ding’a anaonu ahi. Amanuchapa hochu Nadab, Abihu, Eleazarleh Ithamar ahiuve.
24Korah chapate hochu Assir, Elkanah leh Abiasaph ahiuvin, amaho chenghi Korah insung miahiuve.
25Aaron chapa Eleazar chun Putielchanu khat ji’in aneiyin, amanunchapa khat ahing’in Phinehas ahi.
26Aaron leh Mose hi hichelaija kiminphahbang’in, Pakaiyin Egypt gamma kon Israelte aloi loijaahinpui lhon dia angensen “Israelmite chu Egypt gamma kon ingalsat tebang in ahin lamkai lhonin ahi.”
27Pharoah lengpa koma Israel mite Egypt gama konna puidoh ding’athusei chu, Mose leh Aaron ahilhon’e.
28Egypt gam’a Pakaiyin Moseahoulim pin,
29Hiti hin aseije, “Egypt lengpa Pharoah henga seijin, “Keima Pakaikahi! tia Egypt lengpa Pharoahheng’a ima jouse ka seipeh nai,” ati.
30Ahinlah Mose’n Pakai akinilpin, aseije, “Hichu ka bol thei louding ahi! ajeh chu keima kammolkahi! Pharoah lengpan ka thusei itialah mong ding ham?” ati.