1Mose heng’a asei jin, “Hiche hi phate chan ngaiyin. Pharoahlengpakoma Pathentabang’akasem ding nahiye, chule na sopipa, Aaron, hi nang dia themgaova pangding ahi.”
2“Kathupeh chengse hi Aaronjah’a sei in lang, Aaron injong Pharoah heng’a aseija Israel miteagamsung’a kon’a asol doh nading’a nasei ding ahi.”
3“Ahinlah Keiman Pharoahlungthim ka suhtah ding, amanmelchihna thil kidang tampi Egyptgamsung’a ato ding ahi.”
4“Hiche ajong chu Pharoah vinnathu angai lou lai ding ahi. Keiman Egypt gamsung’a amasa pen ding’aka khut kahin lhanjah ding. Keiman ka thaneina kon kami Israelte vang’a Egypt gama thutanna kalhunsah ding teng ka huh doh dingahiuve,” ati.
5“Keiman ka khut ban thahat kahinlhan’a Egypt gama kon Israeltekahin puidoh ding ahi. Chuteng Egypt miten Pakai keima thilbolahin hetdoh diu ahitai.”
6Pakai thupeh bang’in Mose leh Aaron injong abollhon tan, ahi.
7Pharoah heng’a Pakai thupehhoaga sei lai lhon chun, Mose kumsomget ahitan chule Aaron chukum som get leh kum thum ahiye.
8Chuin Pakaiyin Mose leh Aaronheng ah thu asei jin,
9“Pharoah in ahinsei ding chu, ‘tahbeh mong nahi lhon hinam, melchihna nei musah lhon in tiaahinsei ding,’ chuteng Aaron jah’aseiyin lang ‘nateng gol chu tollahsep lhan, hichu gul hung kisoh dingahi.”
10Mose leh Aaron jong Pharoahheng’a ache lhon in, Pakaiyinathupeh bang’in abol lhon tai. Aaron’in tenggol chu Pharoah leasoh teho angsung’a chun asep lhanahile, tenggol chu gul akisoh tai!
11Hichun Pharoah’in jong michingle doithem ho a boncha uvin akoukhom in, Egypt gamma mitpheldoithem hon jong hiche tabangbang chu abol thei uve.
12Chuin tenggol kichoi jousentol la a seplha cheh uvin ahile, abonchan gul aki sohtai! Ahinlah Aaron tenggol gulchun midang ho a jouse chu a bonchan avel lhum
13Hicheng nung jeng hin jong Pakaiyin aseima bang in Pharoahlungthim chu atah jing nalai jin, ima ngaisah in akoi hih laiye.
14Chuin Pakaiyin Mose heng’aasei jin, “Pharoah lungthim ki sutahnalai ahiye, aman mipiho asoldohloulai ding ahi,” ati.
15“Jingkah teng Pharoah vadunglam’a hung ding ahin chu tengnangma na che ding. Nile vadungpam’a ding inlang, hikoma chungaki mupi tan. Chule na tenggol gulkisoh ji chu kichoi jing in,”
16Chuteng akoma hiti hin seijin, Hebrew mite Pakai, Pathenin nakoma thusei ja eihin sol ahi: “Kami Israeltesoldohtauvinamaho cheuva gamthip lah keimaeihou na ding uvin,” ati. Ahinlahnangman ama thusei iman nangaisah hihlaiye.
17Hiche hi ahi Pakaiyin asei: “Keima Pakai kahina ka kilah sahding ahi.” Vetan! Ka khut’a umtenngol hi mang cha’a Nile twipikajep ding, chu teng vadung pumpihi thisan kisoh jeng ding ahi, ati.
18Chu teng vadung’a um ngajousethi ding, twijong nensoh helding, “Egypt miten Nile vadung’a twiadon thei lou hel diu ahitai,” ati.
19Pakaiyin Mose heng ah asei jin: “Aaron jah a seijin, “Na khut jahinlang, Egypt gam’a luipang jouse, vadung jouse, twinah jouse, luikhuhjouse chunga tenggol chu jah lhatanchuti leh Egypt gam pumpia twijouse thisan kisoh jeng ding, twi sung’a um songpi ho jousea jong thisan hungpot doh’a, veidim lha jeng ding ahi tai, tin sei jin,” ati.
20Mose leh Aaron in jong Pakai thupeh bang’in abol lhon tan ahile, Pharoah le anung juija asoh teho jousen aveuvin, Aaron in jong a tenggol ajahdoh’in Nile luidung chu ajep jeng tan ahile, Vadung twi jouse apumpin thisan a kisoh hel tan, ahi.
21Luidunga ngajouse athisoh heltan chule Luidung a twi jouse jong abonchan anengam tan ahile; Egypt miten jong twidon ding amaimo taovin; ajeh chu Egypt gamsung pumpi chu thisan in achup lhah ahitai.
22Egypt gam’a mitphel doithem hon jong hitabang thilho chu anabol jiuvin twijong thisan asosah jiuvin ahile, Pharoah lungthim chu atah jing nalaije. Pakaiyin asei bang in Pharoah in jong Mose leh Aaron thusei chu nahsah in anei hihlaiye.
23Pharoah jong a inlam ah akilen, hicheng thilsoh nung jeng in jong alungthim’a gel lut kham asa hih laiye.
24Ahinlah Egypt miten luipang dung alai thuh’un twi akihol letau vin ahi, ajeh chu amahon Nile luidung a twichu a donthei tapouvin ahi.
25Pakaiyin Nile luidung ajep kal nisagi alhing tan ahi.
