1Mose’n avel in kisonglel pum’in asei jin, “Tahsan lelna leh kathusei nahsah louna anei loudiu ham? Chu leh “Nangma heng’a Pakai iti kilah ding ham?” tia aseibep ding’u ahi, ati.
2Chuin Pakaiyin ajah’a asei jin, “Nakhut a nachoi chu ipi ham?” tiaadoh le, Mose’n jong a donbut in “Tenggol ahi,” ati.
3Pakaiyin Mose jah’a aseijin, “Hichu tollah seplhan,” ati. Mose’njong tenggol chu tol’ah asep lhanahile, hichu gul akisoh tan ahi! Mose jong tija tah in anung chal inahi.
4Chuin Pakaiyin Mose heng’aaseijin, “Hichu ameijin khaisangtem’in,” ati. Mose’n jong gul chuameijin akhaisang in ahile, hichukelngoi chinna tenggol ahung kisohdoh kit tan ahi.
5Pakaiyin Mose henga aseijin, “Hiche melchih nahi na kilahsah ding ahi,” ati. Chuteng apuapate’u Pathen, Abraham Pathen, Isaac Pathen leh Jacob Pathen chunangma heng’a akilah mong’e tia, ahin tahsan diu ahi,” ati.
6Chuin Pakaiyin Mose heng’aaseijin, “Tun na khut chu nadip a koijin,” atile, Mose’n jong akhutchu adip a akoijin, akhut chu alahdoh kit’a ahile, akhut chu tiphahmaha bang in angouset jeng in ahi.
7Pakaiyin Mose heng’a aseijin, “Tun nakhut chu nadip’a avel’inkoikit tem in,” atile Mose’n jongakhut chu adip’a akoikit in ahile, angaija bang’a atahsa asohdoh kitin ahi.
8Pakaiyin Mose heng’a asei jin, “Melchihna masapen jeng’a jongatahsan theilou uva ahile, melchinaanichanna’a vang atahsan thei diuahi tai,” ati.
9“Chule hiche melchih na tenijeng’a jong atahsan thei lou’uvaahile, Nile vadung akon in Twithemkhat lan lang tolgo laija nasunlhah ding ahi. Hichu nabol teng le, Nile vadung Twi chu tolgo laijanasun lhah teng thisan kisoh dingahi,” ati.
10Ahin Mose Pakai heng’a ataovin, “O Pakai, keima thusei themkahipoi. Achesa phat hihen chuletujeng in jong, kahenga thu hijatpinaseidoh nung hijong leh, keima hilei kileh themlou kahi bouve. Ajehchu thuseija ngongkai tah kahi,” ati.
11Pakaiyin Mose adonbut paijin, “Koiham nangma kam sempa chu? Mihem chunga paomo hel le, nangong’a umsah jia, khomu theijamicho a lha ji? Hichu Keima kahi hilouham, Na Pakai pa tin a donbut’inahi.”
12Tun nangma chien! “na sei tengka umpi jing ding, chule na thuseiding dan keiman kahil ding nahi,” ati.
13Ahinlah Mose avel in Pakaiheng’a ataovin, “Pakai lungsettah’in! ka khel in midang sol tan,” ati.
14Chuin Pakai, Mose heng’a alunghang’in, hiti hin aseije. “Ahileaphai,” “Na sopipa Levi mi Aaronum’a hilou ham? Keiman kaheiaman lei kileh pel’in thu aseitheijin ahi. Chule vetan! Tun nang tohkimuto ding in ahung tai. Nang tohkimu ding lung thanop na’a dimahi,” ati.
15Amatoh kihou limlen lang, thuhichengse hi akamsung’a mop inati. Keiman na ni lhonna ka umpiding, thilbol ding dan nahil lhonnang’e, ati.
16“Aaron hi nangma khel’in miholah’a thuseija pang le ding ahi. Nakam sung’a pang ding chule Aaron ding’a nangma hi Pathentabang nahi ding, Sei ding jousenahil ding ahi,” ati.
17Na tenggol hi kichoi jing inlang, “Melchih na bol ding’a ka thumopchengse nabol nading ahi,” ati.
18Mose jong anu-pa-pa Jethro henglam’a akile tan ahi. Mose’n anupapaheng’a hiti hin aseije. “Lungsettah’in kasopi ho khopemna Egyptgam’a kile tange.” kasopi ho damjing’a hina uvem gave ing’e,” atitan ahile, Jethro in a donbut’in “Lungmong in chen,” ati peh tai.
19Mose’n Mediangamsungadalhah kon in Pakaiyin hiti hinasei peh’e, “Egypt gam kile kittan, nangma that ding’a kigo ho abonchauvin athi gam taove,” ati.
20Mose’n aji achate ho akipui jin, thilho sangan apoh sah’un Egyptgam a achetau vin, akhut’a chun Pathen tenggol chu achoi jin ahi.
21Pakaiyin Mose henga aseiyin, “Egypt gamsungnalhun teng, keiman ka thumop bang’in Pharoahlengpa henga thil kidang melchihnaho jouse abonchan gakilah sahtan, ati. Ahinlah Keiman alungthimkasuhtahdingchutengmihoasoldoh lou ding ahi,” ati.
22“Chule nangman aheng’a naseiding, Pakai thusei hichehi ahiye: Israel hi keima chapa peng masa pen ahi.”
23Keiman ka thupeh nahi, “Kachapa soldoh tan, chute leh amankeima kin abol thei ding ahi. Amavang nah sah louvin na koijing nah laiye, keiman na chapamasapen kasuh mang peh ding nahi!” ati. Mose Egypt Ahung Kilena
24Egypt gam jon’a lampi, Ajange nau ngahmun khat’a Pakaiyin Mose a kimupin, Pakaiyin Mosechu tha ding ago tan ahi.
25Chuphat’in Mose jinu Zipporah, injong songil songhem khat alanachapa chep atan peh in ahi. Athisanchu akeng ah aloinat peh in hiti hinaseije, “Tua hi nangma hiche thisanjal’a hi ka jipa na hitai,” ati.
26(Hichea kipat chep tan vanga “Thisan jala ka jipa nahitai” tiaama’nun aseiphat chun), Pakaiyinahing hoijin adalha tai.
27Tun Pakaiyin Aaron henga hitihin asei peh in, “Gamthip lam’akhun chien lang Mose ga kimupi tem in,” ati. Aaron jong Pathenmolsang lam’a achien Mose agakimu pen, a angkoijin ahi.
28Mose’n jong Aaron jah’a Pakaiyin athumop nabang chun thiljouse ajah’a asei peh’in ahi. Chulethil kidang melchih naho akilahding dan abonchan asei soh keiyinahi.
29Chu in Mose le Aaron in Egyptgam ahung kile lhon’in Israel upajouse abonchan akoukhom lhon tanahi.
30Aaron’in jong Pakaiyin Moseathumop chengse chu abonchanamaho jah a aseipeh soh keijin, Chule Mose injong melchihna thil kidang hochu aheng uvah akilahsah in avetsah soh kei uve.
31Hiti chun Israelte’n Mose leh Aaron chu Pathen in ahin solmong ahi ti atahsan taove. Pakaiyin agim hesoh najouseo ahesoh tai ti ahetdoh phat un, aboncha uvin boh khup uvin Pathen chibai aboh’un ahi.
