Naokɛa 23:10-23

¹⁰Yakↄbu buiↄ dasi lán ũfãawa, wa fↄ̃ Isailiↄ nao wà ń lɛ́ dↄ̃o. Lua to mà ga a gbɛ̃́ↄ gaawa, mà láa an láaawa.

¹¹Ɔ̃ Balaki òɛ̀: Ń kɛ̀mɛɛ kpelewan wei? Ma mↄnnↄ ǹ ma ibɛɛↄ kamɛɛ, ↄ̃ samaa ń ònɛ́a?

¹²A wèwà à mɛ̀: Yã́ pↄ́ Dii dàmɛɛ ma lɛ́u ↄ̃ má oo lò?

¹³Balaki òɛ̀: Mↄ wà gɛ́ gupãlei, gu pↄ́ ńyↄ̃ ń eu, ní ń kámɛɛ we, asa an kpɛdo ń è, ni ń e píio.

¹⁴Ɔ̃ à gɛ̀aànↄ gudↄ̃anaↄ bua Pisiga gbɛ musu. À gbagbakĩi bò mɛ̀n sopla, ↄ̃ à sa'òmá píi ń gáaeo ń sãsao.

¹⁵Ɔ̃ Balaaũ òɛ̀: Zɛ n sa'obↄi la, mí gɛ Dii le we mà gwa.

¹⁶Ɔ̃ Dii mↄ̀ à yãdàɛ̀, ↄ̃ a òɛ̀: Ɛa gɛ ǹ Balaki le, ní oɛ̀ màa.

¹⁷Ɔ̃ à ɛ̀a gɛ̀ à aà lè zɛa a sa'obↄi ń Mↄabu kíaↄ. Balaki aà là à mɛ̀: Dii mɛ̀ kpelewa ni?

¹⁸Ɔ̃ à yã́ pↄ́ á è ònɛ́ à mɛ̀: Zipoo nɛ́ Balaki, swã́kpa ǹ ma yãma!

¹⁹Luaá gbɛ̃nazĩnaɛ kɛ́ aà gbasa ɛɛtoo, ìli lɛlilɛ lán gbɛ̃nazĩnawao. Ìli yã́ pↄ́ á ò kɛo lé? Ìli zĩkɛ lɛ́ pↄ́ á gbɛ̃̀wao lé?

²⁰A òmɛɛ mà samaa'onɛ́ɛ. À báaadàńguɛ, má fↄ̃ gio.

²¹Mi yã'ĩae e Yakↄbu buiↄwao, mi yã'ↄ̃mae e Isailiↄwao. Dii an Lua kúńnↄ, Kía kúkua dↄ ń guu.

²²Lua ń bↄ́lɛ Egipi, aa gbãa vĩ lán zùsɛ̃lɛwa.

²³Wa fↄ̃ pↄda Yakↄbu buiↄwao, wa fↄ̃ àsi bɛ̃̀ɛ kpaaĩ ń Isailiↄo. Za gbã waↄ o ń yã́ musu, yã́ pↄ́ Lua kɛ̀n we.