Text copied!
CopyCompare
תנ ך עברי מודרני - בְּמִדְבַּר - בְּמִדְבַּר 23

בְּמִדְבַּר 23:10-23

Help us?
Click on verse(s) to share them!
10מי מנה עפר יעקב ומספר את רבע ישראל תמת נפשי מות ישרים ותהי אחריתי כמהו׃
11ויאמר בלק אל בלעם מה עשית לי לקב איבי לקחתיך והנה ברכת ברך׃
12ויען ויאמר הלא את אשר ישים יהוה בפי אתו אשמר לדבר׃
13ויאמר אליו בלק לך נא אתי אל מקום אחר אשר תראנו משם אפס קצהו תראה וכלו לא תראה וקבנו לי משם׃
14ויקחהו שדה צפים אל ראש הפסגה ויבן שבעה מזבחת ויעל פר ואיל במזבח׃
15ויאמר אל בלק התיצב כה על עלתך ואנכי אקרה כה׃
16ויקר יהוה אל בלעם וישם דבר בפיו ויאמר שוב אל בלק וכה תדבר׃
17ויבא אליו והנו נצב על עלתו ושרי מואב אתו ויאמר לו בלק מה דבר יהוה׃
18וישא משלו ויאמר קום בלק ושמע האזינה עדי בנו צפר׃
19לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃
20הנה ברך לקחתי וברך ולא אשיבנה׃
21לא הביט און ביעקב ולא ראה עמל בישראל יהוה אלהיו עמו ותרועת מלך בו׃
22אל מוציאם ממצרים כתועפת ראם לו׃
23כי לא נחש ביעקב ולא קסם בישראל כעת יאמר ליעקב ולישראל מה פעל אל׃

Read בְּמִדְבַּר 23בְּמִדְבַּר 23
Compare בְּמִדְבַּר 23:10-23בְּמִדְבַּר 23:10-23