Miti Mânec 98:2-9

²Ʒika giere fârine fuawec i Wofuŋzi mufuawec, e qâpuc jaŋere maio bâbâtiŋ‐ticnere fuŋne rituwec.

³E Israe kikefuŋ aki anonoc â jauŋ fâri ejare warehuc jukicne, irec manasuwec. Mâreŋ qaŋeŋnao juŋgopieŋ, jaŋe sasawa Anutu‐nâŋecte bâbâpiaŋ gie honembiŋ.

⁴Mâreŋŋic sasawa, Wofuŋ ʒeri ecnehuc semuja heniŋ! Samarierâ ʒeri gae hehuc e muafeckeniŋ!

⁵Wofuŋ mumuafec gae hecnehuc gita qaniŋ, gita qahuctecne musi sâko baniŋ.

⁶Qeŋ dâŋeha mimi ŋokac ficneniŋ, erâ Wofuŋ Sâko Wofuŋ semuja hecneniŋ.

⁷Hâweczi fânâŋkeoc, â maŋnao qiriŋ qaŋgopieŋ jaŋe fânâŋkeniŋ. Mâreŋ e iŋuc jaha eoc, eme fainao juŋgopieŋzi bafickeniŋ.

⁸Opâ rumi jaŋe me qaniŋ, tiki jaŋe qâturerâ ʒeri gae heniŋ.

⁹Wofuŋzi warekacte ere maio eniŋ, e mâreŋ guriŋne baocte warekac. E mâreŋ dâŋne mutiŋnehuc mutaraocmu, ŋicne ŋicne jaŋere dâŋ sâcjeŋicko mutaraocmu.