Miti Mânec 76:7-12

⁷Jâmbomac, go hâhâwicne, kimbeŋgezi fahareme mozi gore maio sâcne domaocmu?

⁸Mumutara dâŋgezi sambâŋkonec fuame mâreŋ e bipic tatara erâ niniŋkewec.

⁹I Anutu goki mâreŋŋic ro waha âte ejarekicne jaŋe bafic‐jopacmurâ dâŋ mutarazo faharemeŋ dameŋ ira iŋuc fuawec.

¹⁰Ʒikare nâfocne jaŋe mumbiaŋguniŋmu, ŋic kimbeŋ‐jeŋiczi ŋerisieme mumuteŋ‐jeŋic eocmu.

¹¹Ŋoŋe Wofuŋ Anutu‐ŋeŋic taha bacneniŋte mupaŋkenʒepieŋ, erâ mumupaŋ‐ŋeŋicte fârine bâfuanʒepieŋ; ŋic rârec bârârec juraŋgopieŋ sasawa ŋoŋe Anutu araŋ babacnene e taha bacnenʒepieŋ.

¹²Eki micne bapa maŋfefe juŋgopieŋ jaŋe bawahac‐jopaekac; â mâreŋte ŋicwofuŋ juraŋgopieŋ jaŋe wiac hâhâwicne ejareekac.