19Jaŋe ɋeŋfâfâc jaha sipirickeeŋgopieŋ, bipic tara‐jareha omaeeŋgopieŋ.
20Guŋ manaku mana ɋâɋârepene arictac eekac, iŋuc hâcne hawari‐jeŋicte ninikec fuaocmu.
21Mârâc maŋnanezi mana hâtâwepo, â bunane fârorockewec,
22dameŋ ira mutuc matacne epo, maigao qowi maŋ tâmiric tinac epo.
23Mâcne, no sifu goheckoaŋ juhuc jupemu; goki mefâre‐naneo basanaŋnukomec.
24Go dâŋbirigere sâcko jowacnuekic, â ʒâhec eri tatamacko râecnuzokic.
25Go mocsâkoa sambâŋko junareekic, â mâreŋko go basacguhuc wiac mocte mi enarekac.
26Maŋ sahac jahec‐nane docke betaŋ ezo murâ enic: Anutu go ine maŋnanere wâtuŋ â boreŋ‐nane fofo sanaŋ.
27Jâmbomac, go behecgurâ raniŋmu jaŋe omaeniŋmu; go eatuc egareniŋmu jaŋe bâsirowec‐jopacmu.