Miti Mânec 56:3-10

³Hâhâwiczi fua‐nareekac, dameŋ ira gorao roweckeekopac.

⁴No Anutuhec juhuc dâŋticne mumbiaŋkeekopac, Anuturao roweckehuc hâwic tâmiric juekopac, ŋiczi wemo enareniŋmu?

⁵Dameŋ sâc hata‐nane hesifuckeniŋte ʒoɋac eeŋgopieŋ, mamanasu‐jeŋiczi bâsâqorecnuniŋte gie baeŋgopieŋ.

⁶Jaŋe heâckerâ ruc banareeŋgopieŋ, kike hata‐nanere hetâc roeŋgopieŋ, juju‐nane omaeocte hejâpeeŋgopieŋ.

⁷Irec sindaŋ‐jeŋicte okacne jarezemec! O Anutu, go kimbeŋko ŋicguru i qâfiec‐jopazemec!

⁸Ʒika kipo i wose‐fâremeŋ, ʒâŋeuc‐nane wose qâreŋ etec papiagao mi fokac me?

⁹Eme no wirapemu dameŋ ira râsifâc‐nane bâsuec‐jopazo. No manakopac, Anutu e no âgo enarekac.

¹⁰Anutu, dâŋticne mumbiaŋkeekopac, Wofuŋ, dâŋticne mumbiaŋkeekopac,