Miti Mânec 48:3-11

³Erific‐ticne Anutuzi aimuŋ sabeckeekac, i hone manac ehuc jukicne.

⁴Manaŋgopieŋ, ŋicwofuŋ jaŋe hehenusuc erâ mâmâc quruŋ herâ fisimbiŋ.

⁵Izi honerâ warecke sâqorembiŋ; erâ bipic tara‐jareme wisembiŋ.

⁶Mâreŋ ira ɋarac ɋarac qambiŋ hâcne, ŋokac moczi motec roocte gozi kiekac iŋuc embiŋ.

⁷Ʒoaŋ wewefuonec mâŋâŋ mutec fisirâ Tarasisi haeonec woke qanʒaŋ‐jopawec.

⁸Biŋene manambeŋ irec sâc jaha ʒâŋezi honembeŋ, Tâpiri Ɋuŋɋasaŋ Wofuŋte haeo, Anutu‐nâŋecte hae sâkoo hâcne; hae i Anutuzi ŋeŋe sanaŋ ŋeocte mucnewec.

⁹O Anutu, nâŋe taha ufuŋgere maŋnao aki anonocgere manasumbeŋ.

¹⁰O Anutu, ʒâŋe biŋegezi mâreŋ qaŋeŋnao rawecte mumumbiaŋgezi iŋuc jaha raekac; mefâregao bâbâpiaŋ fusucmawec fokac.

¹¹Zioŋ tiki e irec bubiaŋ manakac; Juda otâfâcne jaŋe mumutiŋgere erâ ʒeri bari eeŋgopieŋ.