Miti Mânec 29:3-9

³Wofuŋte marac fânâŋ hâwec faicnao fuakac, Anutu tatamac runezi ɋuŋ hekac, hâwec sâko faicnao Wofuŋzi jukac.

⁴Wofuŋte marac fânâŋ i ɋicwânʒâŋnehec, Wofuŋte marac fânâŋ i qeŋ bipinehec.

⁵Wofuŋte marac fânâŋzi jâmâzâc qazukac, Lebanoŋte jâmâzâc Wofuŋzi qanʒaŋnekac.

⁶Lebanoŋ tiki ecneme bulimakao motec tinac kiwaekac, Sirioŋ tikizi kâte bulimakao sâckekac.

⁷Wofuŋte marac fânâŋzi ʒocbâruŋ iŋucne fuakac.

⁸Wofuŋte marac fânâŋzi tuhu mâreŋ itiriŋkekac, Wofuŋzi Kadesi tuhu mâreŋ itiriŋkekac.

⁹Wofuŋte marac fânâŋzi boriŋjâc ʒâkiriŋkekac, erâ kâtene kâtene imackekac; eme ufuŋ‐ticnao ʒeŋgoma ʒiŋuc wiraŋgopieŋ: “Anutu muteŋkezo!”