Mbouŋ To Yes Israela 29:3-9

³Yoova aliiŋa ila irau te ziige ta naol ne. Maaron tau eeza tiina na aliiŋa, ene imin lalaav luutu. Yoova isaav toman aliiŋa tiina izala te paavo.

⁴Yoova aliiŋa, ene tapiri tiina. Aliiŋa itotoia ighe i eeza tiina kat.

⁵Yoova aliiŋa iŋgalŋgal valaghin ai mezepur tintiina to Lebanon. Aliiŋa iŋgalŋgal mbirisai zi.

⁶Yoova aliiŋa itok loloz tintiina to Lebanon, le tiyatyaat imin makau natŋa paghpaaghu tau tintinizi. Ve itok loloz Ermon, le iyatyaat imin bapolo sagsagŋa natuzŋa tau tintinizi.

⁷Yoova aliiŋa igham nugh ighani milia, ve yav ighan.

⁸Ve itok taan to nugh ŋginaaŋa le irur. Igham nugh ŋginaaŋa to Kades katkatia ilala ilamlam.

⁹Yoova aliiŋa igham mekmek sagsagŋa tau apozi na, tirur le tipoop pataghaaŋ. Ve igham ai raua tisov timburur tizi. Tauvene tamtamon tisov tau tilup zi pa suŋuuŋ ila rumei tooni loolo na, tisaav toman aliŋazi tiina tighe: “Tapait Yoova eeza. Pa i tapiri tiina kat!”