4Mimiŋnefâc‐nâŋec jaŋe gorao roweckembiŋ, roweckepie goki batarac‐jopameŋ.
5Wira wâwâsic egarepie asao rocjopameŋ; gorao roweckembiŋte mi qurutuambiŋ.
6No ine ɋâsu, no ŋic mâcne; ŋiczi nifepupu enareŋgopieŋ, ŋic ŋokac jaŋe mana wahacnuŋgopieŋ.
7Honecnueŋgopieŋ jaŋe mururuc enare‐fâreeŋgopieŋ, mecpiroc enarehuc qizec fofotaric enarerâ mueŋgopieŋ:
8“E mamanasiŋ‐ticne Wofuŋtao râeme fowecte eki bataraoc, â ere ecnekacte asa feferaŋko rooc me!”
9Goki hâcne neŋgoc bumaŋkonec enaretec fuapo, goki moŋ nâhuc fohape ŋezicnumeŋ.
10Fuapoonecteaŋ gorao fosiŋnerâ foekopac, neŋgoczi rocnuweckonecteaŋ Anutu‐nane erâ juekic.
Miti Mânec 22
Miti Mânec 22:4-10