Miti Mânec 22:10-15

¹⁰Fuapoonecteaŋ gorao fosiŋnerâ foekopac, neŋgoczi rocnuweckonecteaŋ Anutu‐nane erâ juekic.

¹¹Irec ʒi ʒârâ ʒâpâzi bâmbeŋnukacko, â babafic‐nane moc mi jume honekopacko, goki taicko mi mac junarec.

¹²Râsi bocjahazi bulimakao iŋucne somâcnuŋgopieŋ, Basaŋkonec bulimakao momori jaŋe orâŋnuŋgopieŋ;

¹³no maicnuhuc micjeŋic aŋkeŋgopieŋ, laioŋ wânʒâŋ iŋucnezi owacke‐nareŋgopieŋ.

¹⁴Opâ iŋucne hoŋnupie ŋeratierâ fokopac, me kike bibiric‐nane ŋetara‐fârejec; buhândâŋ‐nane sâfâ iŋucne ejec, bumaŋ‐naneo oopâne fuahuctecne.

¹⁵Tâpiri‐nanezi hahaŋkerâ kuʒi dâkâ iŋucne ejec, nameŋ‐nanezi ŋaŋarac‐naneo bohotakac, hâmocte meo râecnukomec hâcne.