Miti Mânec 21:1-11

¹O Wofuŋ, ŋicwofuŋzi gore tâpirio bubiaŋ manakac, â bafickemeŋte wemo afecne kiwaekac!

²Goki maŋticnere aŋac tahackemeŋ, â nunumu‐ticne mi qatarameŋ.

³Gore jambuŋzi wiac biaŋ bâfuacnemeŋ, â ŋicwofuŋ du golzi bakicne qizecnao hemeŋ.

⁴Jujure numu‐garewec, eme juju tahackemeŋ, jarane jarane, tatara tâmiric.

⁵Goki baficketec ʒâŋe biŋe‐ticne faharewec, eri tatamac â ɋuŋɋasaŋ bâfuacnemeŋ.

⁶Jambuŋ sâkohec jusanaŋkerâ juocte mucnemeŋ, gore maio bubiaŋ manahuc jusarickeocte râemeŋ.

⁷Ŋicwofuŋ e Wofuŋte roweckekac hâcne, eme Femicnere aki anonoczi dopeckeme qiŋ herâ domaocmu.

⁸Megezi râsifâcge sasawa bâfuac‐jopaocmu, mefâregezi gore takic‐jopaekac jaŋe bâfuac‐jopaocmu.

⁹Goki ʒoc iŋucne fua tâcnehuc ʒâmiziec‐jopacmu. Wofuŋ e kimbeŋ‐ticnezi ɋâcjopaocmu, â ʒocbâruŋzi ʒâseŋ‐jopaocmu.

¹⁰Go ɋâricfâc‐jeŋic mâreŋkonec bâsirowec‐jopacmu, ɋiefâc‐jeŋic jaŋe mâreŋŋic jaŋere ŋondeŋko omaeniŋmu.

¹¹Jaŋe eatuc ehuc wiac sâqocne egareniŋte manasueŋgopieŋ, sifu fârine mi bâfuaniŋmu.