Sam 21:1-11

¹O Leeme Silok. Loorong i lok momo, atla nenu ugam taba i mi lolos. I sosoro atla nenu ugam taba i mi lolos tik sak tup mi limixin munepen min.

²Uga raba vam i mi levempanga axap lebelen ga tu i. Uga raba box i mi mo lavanga neni ga ngising tin.

³Uga raba i mi leveloklox anarong silok, la ugara vaxasiga i mi lavatbungorong gol at lavatlak teren.

⁴Ni ga sing u ri lorooro, la nu ga raba vam i min, lorooro abao naba baalom aleng.

⁵Lisisilok teren i volo, atla nenu uk lok tooro i. Laasen silok mi lisisinang teren, nenu xa uga raba i min.

⁶Um taba amisix i mi leveloklox anarong, la ik lok momo atla ut kis esogo amisik min.

⁷Loorong i nunu saga at Leeme Silok, ni Lanaraavuk. Nom labalamu lexen at Leeme Silok naba tu amisik, kuren la lixitkis orong teren nabak lox amisik.

⁸Loorong naba xoxo alis ka limixin axap di munepen min, la ni naba xoxo alis axap nedi di belengatngas tin.

⁹La ni naba sele utut kepe axap di ngan laxao, imsum at laxairing, dola ni na ru asuvos. Leeme Silok naba lox asi axap di mi lebelemamao ren, la laxao naba rin asonao di.

¹⁰La kopmen tara at livipisik li atnedi noxo sepsu at lanmet. Loorong naba sep kepe axap di.

¹¹Di epaase li la di sevut li leventaangas kusu dinaba lok kapmek loorong, ketla di noxo lox epovo i.