Miti Mânec 140:3-11

³Jaŋe nameŋ‐jeŋic qâteckepie homare ʒuŋe iŋucne eekac, â bipic‐jeŋicte maŋnao qotâre micopâ fokac.

⁴O Wofuŋ, go ŋic sindaŋne mejeŋicte sabecnuc, ŋic qac momorihec ʒika‐jeŋicte ŋezicnuc; jaŋe kike‐nane qataraniŋte manasuŋgopieŋ.

⁵Ŋic maŋfefeheczi bitiŋ râe‐narembiŋ, uficko jowapemurâ fâre‐narembiŋ, â hatamecko nombâŋ ronarembiŋ.

⁶No Wofuŋ âzâcnekopac: Go Anutu‐nane; o Wofuŋ, go wira wâwâsic‐nanere hazec râec!

⁷O Wofuŋ, nore Wofuŋ, babafic sanaŋ‐nane, go ʒika dameŋko sabecnumeŋ.

⁸O Wofuŋ, ŋic sindaŋne aŋac‐ticnere fârine mi fuazejec, wiac sâqocne maŋkekac i fâri fideteŋ mi ezejec.

⁹Râsi jaŋe orâŋnuhuc pepec erâ mi bawahacnunʒepieŋ, micdâŋ‐jeŋic hehesicne izi ŋerisierâ rune imac‐jopazejec.

¹⁰Mutec ʒoc kinezi waha qofac‐jopazejec; tuŋjopatec nombâŋko hurâ mocwâc mi faharenʒepieŋ.

¹¹Mumusoriŋ ŋic moczi mâreŋko sanaŋkerâ mi domazejec; ŋic qac momorihec e ʒârâ ʒâpâzi ɋeŋfâfâc jaha dope‐ticne qatarame waha qarâ fozejec.