YƐSÃÃ 140:3-11

³Bɛ̀ ɔ̃ ntoti bɛ yɛ̀mmɛ̀ kɛ bo dɔɔ̀ mɛyɛi mmɛ, yɛwe yɛmɔu bɛ̀ dɑ̀ńnì yɛkpɑ̀rɛ̀ nyɛ.

⁴Bɛ̀ pɛ̀rímú bɛ nɔ́ndiɛ́ nyi iwɑ̀ɑ̀kɛ kɔ̃mɛ, kɛ̀ bɛ nɑ́ɑǹtì dò mmɛwɑɑ̀dɔ̀mmɛ̀.

⁵N Yiɛ̀ nKuyie nhɑ́ nni nkɑ̃nkɛ́ bɛnitiyɛibɛ, ɑ́ nni mbɑɑ bɛnitiyonkubɛ, bɛ̀ɛ̀ wɑnti kɛ́kotɛ n tɑ̀ɑ̀kɛ.

⁶Sipɔɔ yɛmbɛ̀ n díí kufɑ̃ku nku, bɛ̀ piiti iwɛ̃ĩ nyi n kó kucɛ, bɛ̀ dɔú nticùɔ̀tì nti n kérí kùù cɛ, bɛ̀ n dìí timɑ́tì nti.

⁷N Yiɛ̀ nKuyie n dɑ nɑ̀kɛ́mu kɛ tú fɔ̃́ɔ̃̀ tu Kuyie n tũ nkù, n Yiɛ̀ nKuyie nkéntɛ́ m bɑ́ɑmmìi.

⁸N Yiɛ̀ nKuyie nhɑ kpeńnìmu, kɛ n dɛɛrí, fɔ̃́ɔ̃̀ ɔ̃ nkɑ̃nkɛ́ n yuu mudoò miɛkɛ.

⁹N Yiɛ̀ nKuyie nhɑ bɑ́ɑ́ yie kòo nitiyonkuwe wɑnti kɛ bo dɔɔ̀ tìi dɔɔ̀, bɑ́ɑ́ yóu kòò n dííntɛ kɛ bo dɔɔ̀ tìi dɔɔ̀, ɑ bɑ́ɑ́ yóu kòò n sée nfɛnɔ̀nfɛ̀.

¹⁰Yóu kɛ̀ bɛ̀ɛ̀ n cɛ̃̀ɛ̃̀tɛ, kɛ̀ bɛ yɛi ndo bɛ yɔ ĩ́nkɛ̀.

¹¹Cóú mbɛ yɔ yɛhɑ̃ɑ̃kũɔ̃, yeetoo bɛ muhɑ̃ɑ̃́ mmiɛkɛ, tɑnnɛ́ bɛ kudúókù kɛ̀ bɛ̀ tɛ̃́nkɛ bɑ́ɑ́ yɛ̀nní.