1No ʒârâ hâriŋko juhuc, Wofuŋ ʒiŋuc wâsickekopac, i mana‐narezejec:
2“O Wofuŋ, ŋic micbipic‐jeŋic burecnehec â nameŋ‐jeŋic siocnehec, jaŋeraonec bataracnuzemec.”
3Eeatuc ŋic ŋoŋe Anutuzi wemo eŋareocmu? Erâ wemo okacne bâfua‐ŋareocmu?
4Ʒikare tepe motec mictara, erâ tepe motec ʒockisoŋ i!
5Jei, no wemocte Meseke mâreŋko jaba jukopac! No wemocte Kedera mâreŋte qoruc bozeo jukopac!
6No dameŋ ʒora, wamare takic‐jopaekac, ŋic iŋucne jaŋerao juekopac.
Miti Mânec 120
Miti Mânec 120:1-6