Melkahka Kan 88:4-7

⁴I rasehngehr aramas teikan koaros me nektehn mehla; ei kehl koaros sohrasangieier.

⁵I lekdeklahr rehn me melahr akan; I rasehngehr me kamakamalahr akan me wonohnehr nan arail sousou, irail kan me komw ketin melielahr douluhl, me solahr kak ale sawasaparail sang rehmwi.

⁶Komw ketin sikeniedilahng nan kepin ei sousou, nan pwoahr ehu me loal oh rotorot douluhl.

⁷Omwi engieng pahi me inenen toutou, oh I milahr pahn iloak en engieng wet.