3I kin likweriong KAUN-O, e ahpw kin ketin doareiesang ei imwintihti kan. Kapinga KAUN-O!
4Keper en mehla kapiliepenehr; iloak en meninkauwo koaduhpwalihiedier.
5Keper en mehla lelieier, oh sousou lidipiedier.
6Nan ei apwal I ahpw likweriong KAUN-O; I likwerih ei Koht pwe en ketin sewese ie. E ahpw ketin karonge ngilei nan tehnpese; e karongeier ei likwer en pek sawas.
7Sampah eri rerada oh itikekda; poahsoan en nahna kan ahpw mwekidida oh rerada, pwehki Koht ketin engiengdahr.