Melkahka Kan 16:2-5

²I kin patohwanohng KAUN-O, “Komwi me ei Kaun; soahng mwahu koaros me mie rehi kin pwilidohsang rehmwi.”

³Ia uwen mwahu en sapwellimen KAUN-O aramas loalopwoat kan! I kin perenki mehlel ieiang irail.

⁴Irail kan me kin pwahtiet idihdawehn koht teikan, re kin katohtowehla ar apwal akan. I sohte pahn iang irail nan arail meirong kan; I sohte pahn iang kaudokiong ar koht kan.

⁵Maing KAUN, komwihte kelehpw me I ahneki, oh komwi kin ketikihong ie mehkoaros me I kin anahne; oh komwi me kin ketin kolokol ei mour.