Melkahka Kan 148:6-10

⁶pwehki sapwellime mahsenohte, re ahpw soandier nan dewerail kohkohlahte, oh re sohte kak sapeik.

⁷Kumwail kapinga KAUN-O sang sampah, kumwail mahn kamasepwehk kan en nan madau, oh kapin madau kan koaros,

⁸lioal oh keteu, sinoh oh depwek kan, oh pil melimel kan me kin peikiong sapwellime mahsen kan.

⁹Kumwail dohl oh nahna kan, kumwail kapinga; tuhke me kin wah kan, oh tuhkehn nanwel kan;

¹⁰oh pil mahn akan koaros, me mand oh me lawalo kan, mahn kerep oh menpihr kan.