Melkahka Kan 119:91-95

⁹¹Mehkoaros kin mihmihte lel rahnwet pwehki sapwellimomwi kosonned kan, pwehki mehkoaros kin uhpah komwi.

⁹²Ma ei peren sohte pwilisang ni sapwellimomwi kosonnedo, eri, I mehkilahr ei lokolok kan.

⁹³I sohte pahn manokehla sapwellimomwi kaweid kan, pwehki kaweid pwukat me komwi ketin kolokolki ei mour.

⁹⁴Sapwellimomwi ngehi—komw ketin doareiehla! I kin nantihong kapwaiada sapwellimomwi kosonned kan.

⁹⁵Aramas suwed kan kin awiawih pwe re en kemeiehla, ahpw I pahn kin medemedewe duwen sapwellimomwi kosonned kan.