Melkahka Kan 119:133-141

¹³³Nin duwen me komwi ketin inoukidahr, komw ketin kolokol ie pwe I en dehr pwupwudi; komwi dehr ketin mweidohng suwed en kaloweiehdi.

¹³⁴Komw ketin kapitiehla sang irail kan me kalokaloke ie, pwe I en kak kapwaiada sapwellimomwi kosonned kan.

¹³⁵Komwi ketin kupwuramwahwihkin ie omwi pahn ketin ieiang ie oh ketin padahkihong ie sapwellimomwi kosonned kan.

¹³⁶Pilen mesei kin keredi duwehte pillap ehu, pwehki aramas akan ar sohte kin kapwaiada sapwellimomwi kosonnedo.

¹³⁷Maing KAUN, komwi me pwung, oh sapwellimomwi kosonned kan me pwung.

¹³⁸Kosonned kan me komwi ketikihdo me uhdahn pahrek oh pwung.

¹³⁹Ei lingeringer kin lullul loalei duwehte kisiniei, pwehki ei imwintihti kan ar mwamwahliki sapwellimomwi kosonned kan.

¹⁴⁰Ia uwen dehde en sapwellimomwi inowo! Ia uwen ei kin poakohng!

¹⁴¹Paliwereiet sohte kesempwal oh me samin, ahpw I sohte kin sohpeisang sapwellimomwi padahk kan.